საინფორმაციო კამპანია სოფელ კაბალის ბაზარში

„უფლებები საქართველოსა“ და „ლელიანის ზრდასრულთა განათლების ცენტრის“ ორგანიზებით, ლაგოდეხის მუნიციპალიტეტში მცხოვრებმა ახალგაზრდებმა აზერბაიჯანულენოვან სოფელ კაბალის ბაზარში საინფორმაციო შეხვედრა გამართეს.

შეხვედრის მიზანი იყო ადგილობრივი მოსახლეობის ინფორმირება თვითმმართველობის განხორციელებაში მოქალაქეთა ჩართულობის შესახებ.

გასვლითი შეხვედრის ფარგლებში, ახალგაზრდებმა დაარიგეს ქართულ და აზერბაიჯანულ ენებზე მომზადებული ბროშურები, რომელთა მეშვეობითაც ადგილობრივებს მიეწოდათ ინფორმაცია:

თუ როგორ შეიძლება ჩაატარონ სოფლის საერთო კრება,

მოამზადონ და წარადგინონ პეტიცია,

ჩაერთონ მუნიციპალიტეტის მერიასთან არსებულ სათათბირო ორგანოების საქმიანობაში,

დაესწრონ მუნიციპალიტეტის საკრებულოს სხდომებს,

მოისმინონ მერის და საკრებულოს წევრთა ანგარიშები,

ჩაერთონ მუნიციპალიტეტის ბიუჯეტის დაგეგმვაში და სხვა.

გასვლითი შეხვედრის ფარგლებში, „უფლებები საქართველოს“ წარმომადგენლებმა ადგილობრივებს უფასო სამართლებრივი დახმარებით სარგებლობის პირობები გააცნეს და მსურველებს ადგილზე სთავაზობდნენ სამართლებრივ კონსულტაციას სხვადასხვა აქტუალურ საკითხზე.

გასვლითი ვიზიტი ჩატარდა ომისა და მშვიდობის გაშუქების ინსტიტუტის (IWPR) პროექტის ფარგლებში, რომელიც გაერთიანებული სამეფოს მთავრობის მხარდაჭერით ხორციელდება.

—————————

Lagodexi bələdiyyəsində yaşayan etnik azlıqlar üçün pulsuz hüquqi yardım