სწავლა - მთელი სიცოცხლის მანძილზე

ზრდასრულთა წიგნიერება და განათლება არის ერთმნიშვნელოვნად საჭირო პასუხისგებლიანი მთავრობის და მოქალაქეობის უზრუნველსაყოფად, რომლის ერთობლივი აქტივობები არის სასიცოცხლოდ მნიშვნელოვანი ეროვნული მიზნების მისაღწევად.

ზრდასრულთა განათლება როგორც ,,მთელი სიცოცხლის მანძილზე სწავლა“ მოიცავს ფორმალურ და არაფორმალურ სწავლებას ცხოვრების ყველა ეტაპზე, რომელთა საშუალებით ზრდასრულები ავითარებენ და ამდიდრებენ საკუთარ ცოდნას და უნარებს.

ზრდასრულთა განათლებაში მნიშვნელოვანია მოთხოვნადი პროფესიების და კვალიფიკაციის ზრდასთან დაკავშირებული სწავლების შეთავაზება, რაც ეხმარება ინდივიდს მოერგოს მუდმივ ცვლილებებს და უპასუხოს შრომითი ბაზრის მოთხოვნებს.

სწავლა არ უნდა დასრულდეს მაშინ, როდესაც სკოლას ამთავრებ, აუცილებელია უწყვეტი საგანმნათლებლო პროცესის შენარჩუნება. ადამიანს უნდა ჰქონდეს შესაძლებლობა უწყვეტი განვითარების პროცესში ჩართვის და ხელმისაწვდომობას სახელმწიფო უნდა უზრუნველყოფდეს.

ადამიანმა სულ უნდა იზრუნოს თვითგანვითარებაზე, ჩაერთოს სხვადასხვა არაფორმალურ სწავლებებში, ტრენინგებში, საჯარო ლექცია-სემინარებში, დისკუსიებში, დებატებში და დისტანციურ სწავლებაში.  რათა ჰქონდეს შესაძლებლობა გამოიმუშაოს შრომის ბაზარზე საჭირო ახალი უნარ-ჩვევები.

არაფორმალური განათლება არის შესაძლებლობა ადამიანი ნებისმიერ ასაკში ვითარდებოდეს სასწავლო კურსების, ტრენინგების და სხვადასხვა აქტივობების საშუალებით. იმაღლებდეს კვალიფიკაციას მისთვის სასურველი მიმართულებით და ჰქონდეს განათლების მიღების უწყვეტობა მთელი სიცოცხლის მანძილზე.